کانی کچی حەمەدەمین ئاگووشی لە ماڵەکەی خۆیان لە شاری پیرانشار کۆتایی بە ژیانی خۆی هێنا.
ئایا کەس لە شارەکەیدا نەبوو خەمەکان لەگەڵ کانی دابەش بکا تاکوو هێندە لەسەری قورسایی نەکات و ئاخرین رێگا کە کۆتایی هێنان بە ژیانە، هەڵنەبژێرێ؟
کانی، تەمەن ٢٣ ساڵ و خوێندکاری ساڵی چواری زانکۆ بوو. ناوبراو کە ساڵێک لەمەوبەر دایکی لە دەست دابوو، لە گەڵ براکەی پێکەوە دەژیان. لە‌دەستدانی دایک و بەندکرانی درێژخایەنی باوکی ماوەیەک بوو ئەوی تووشی خەمۆکی کردبوو. بەرەوڕووبوونەوە لە گەڵ کێشە‌و گیروگرفتەکانی ژیان، بۆ کچێکی لاو کە باوکی لە مێژ ساڵە بە هۆی سیاسی لە بەندیخانە دایە‌و دایکیشی لە دەست داوە، توانا‌و تاقەتی ئەو ئینسانەی هەڵپڕووکاندبوو کە سەرئەنجام بە داخەوە ئەم خەم و گرفتانە بە چۆکیان داهێنا. هەموو ئەوانە راستن. دەکرێ کۆماری ئیسلامی بە هۆکاری ئەو چارەنووسە بزانین، کە بێگومان هەر واشە کۆماری ئیسلامی هۆکاری سەرەکی هەموو رۆژرەشییەکانی خەڵکی ئێران و کوردستانە. بەڵام ئایا کەس لە شارەکەیدا نەبوو خەمەکان لەگەڵ کانی دابەش بکا تاکوو هێندە لەسەری قورسایی نەکات و ئاخرین رێگا کە کۆتایی هێنان بە ژیانە هەڵنەبژێرێ؟ ئەم جۆرە هەواڵانە بە ئازارترین هەواڵن بۆ هەر کەسێک ئەگەر کەمێک لە خەمی کۆمەڵ و وڵاتەکەی‌دا بێ! بەڵام ئایا هەموو ئەوانەی لە نزیکەوە کانیان دەناسی و شاهیدی رەنج و ئازارەکانی بوون، نەیاندەتوانی رێگە لەم چارەنووسە بگرن کە کانی هەڵی بژارد؟ بەداخەوە دانە دانە لاوەکانمان کۆتایی بە ژیانیان دێنن و ئێمەش بێدەسەڵات بەلای هەوالەکەیدا تێدەپەرێن، بێخەبەر لەوەی چ کاریگەرییەک لەسەر رووحی کۆمەڵگای کوردستان دادەنێ و..... وای کە ئەو مردنانە لە لامان ئاسایی بن!
تێبینی: وێنەکەم لە پەیجی فەیەیسبوکی نیکی فیروزکوهی وەرگرتوە.
دەسخووش كویستان خان.
پاسخحذفبەس با لەی زیادکەین، ریکخراوە سیاسی و کۆمەڵایەتیەکانیش و کوردانی دەرەوەی وڵات دەبی پتر پەرۆشی دەرد و کرفتی خاوو و خێزابی زندانیە سیاسیەکان بن.
عەتا دەباغی